اطبــــاق مميــزهــ بالصـــور

**بنت اليرموك** · 09-09-01, 07:46 PM

* سندويش التركي بالبسطرمة *

المقادير

نحتاج صمون فرنسي بالحبوب
( تلقونه عند شركة المخابز الكويتية )

وممكن تستخدمين أي نوع ثاني من الصمون على حسب رغبتج

رومي مدخن ( تركي مدخن ) + بسطرمة مدخن ( سلامي مدخنة ) + شرائح طماطم
+ شرائح مخلل + جبن سلايس أصفر ( أو أي نوع تفضلينه ) خس أمريكي .

نحط بالصمونه أول طبقة التركي وبعدها البسطرمة وبعدها الطماط وبعدها الجبن ثم المخلل

وبالنسبة للصلصة عندج خيارات وايد على حسب ذوقج بالأكل

1) لبنة + مايونيز وأعشاب

2) مايونيز ومسترد
3) كتشب ومايونيز

أنا عن نفسي أحبها بالصلصة رقم 1 و2 وكل مرة أغير على حسب المزاج

نحط الخس والصلصة ونغرس أعواد أسنان في الصمون حتى تثبتها لما نقطعها بالسكين
ونغرس برأس العود زيتون أخضر محشي بالفلفل

وهذا هو الشكل النهائي بعد التقطيع

**بنت اليرموك** · 09-09-01, 07:46 PM

* سلطة الباذنجان والخضار بالصلصة الهندية *

وسبب تسميتي للصلصة بالهندية لأن نكهتها بالروب والبهارات تذكرنا بالمطبخ الهندي

المقادير

باذنجان مقطع إلى قطع صغيرة ومقلي

ملفوف أبيض (كرومب )

جرجير

بصل أخضر مقطع + جزر مبشور + فلفل بارد أحمر مقطع + كزبرة مقطعة

نخلط مكونات السلطة

والحين للصلصة نحتاج

لبنة حامضة + مسترد ( خردل ) + مايونيز بالفلفل

ليمون

أعشاب مجففة ( شبت + نعناع ) وملح بالثوم والبقدونس

رشة دارسين مطحون ( قرفة ) + كمون عدل ( حب )

نخلط مكونات الصلصة

ونحتاج خبز محمص للمسة النهائية لوجه السلطة

وهذا هو الشكل النهائي

ملاحظات/

* تقدرين تستخدمين الروب بدل اللبنة الحامضة
* وإذا ما تحبينها حارة بدلي مايونيز الفلفل بالمايونيز العادي
* قبل ما تقلين الباذنجان نقعيه بماي وملح لمدة 20 دقيقة حتى ما يتشرب دهمن أو أشويه بالشواية ( بس طعم المقلي أحلى )
* حمصي الخبز بالفرن تحت الشواية لين يصير كرسبي بدل ما تقلينه ويشرب دهن .

**بنت اليرموك** · 09-09-01, 07:48 PM

المقادير

كرمب ( ملفوف ) مقطع شرائح صغيرة

تفاح أخضر مكعبات

جبن تشدر مقطع لمكعبات

كرانبري مجفف >> أو تقدرين تحطين بداله الكشمش ( الزبيب )

صلصة كول سلو

تخلط المقادير مع الصلصلة

وهذا الشكل النهائي

**بنت اليرموك** · 09-09-01, 07:49 PM

وهذه وصفة سلطة قيصر بس على طريقتي الخاصة

المقادير

صدور دجاج مخليه ( فيليه ) مقطعة مكعبات ومقلية

فطر طازج ( مشروم ) مقطع شرائح ومقلي

>> ملاحظة بعد قلي المشروم نضعه في مصفاة لأنه راح ينزل منه ماء نأخذ الماء ونستخدمه للصلصة

خس صيني > يقطع طولياً

خس عادي > يقطع طولياً

تخلط مقادير السلطة في طبق السلطة

والحين مقادير الصلصة

أول شيء نأخذ ماء الفطر ( المشروم )

طحين أبيض ( محموس ) نقلبه في مقلاة جافة حتى يصبح لونه ذهبي

حليب طازج

نحط في المقلاة ماء المشروم + الحليب+ مع كمية بسيطة من الماء

نضيف الطحين

نخلط المقادير بسرعة حتى يتجانس الطحين مع الماء والحليب

واللمسة الأخيرة للصلصة بقدونس مجفف + ثوم بالأعشاب

وهذا الشكل النهائي للصلصة نتركها حتى تبرد

ونأتي للمسات النهائية

جبن بارميزون > يقطع إلى شرائح

مكعبات خبز محمصة

وهذا الشكل النهائي للسلطة

**بنت اليرموك** · 09-09-01, 07:50 PM

سندويش لذيذ ودسم يصلح لوجبة الأفطار والغذاء والعشاء

المكونات

بيض عيون أو على قولة الأمريكان sun shine )
نضيف لها أثناء القلي ملح بالثوم وفلفل أسود أو أي أعشاب تفضلينها
شرائح طماطم + شرائح فلفل بارد + شرائح بصل + جبن شرائح ( جبن سلايس )
+ جرجير + خس

صمون همبورجر بالسمسم

نضع مكونات داخل الصمونة بالترتيب التالي =
طماطم ثم الفلفل البارد ثم البصل ثم البيض ثم الجبن
وأنا أحب أن أضيف الجبن زيادة شريحتين
ثم نضعه تحت شواية الفرن حتى تذوب الجبنة

وهذا شكلها بعد أن ذابت الجبنة

والحين نحتاج إلى مخلل خيار المفروم
وأذا لم يتوفر يمكنك أستخدام مخلل الخيار العادي وتقطيعه شرائح

ونحتاج إلى مايونيز ( أنا أحب مايونيز بالشطة ) + مسترد ( خردل )

نضيف المخلل والمسترد والمايونيز

نضيف الجرجير و والخس وهذا هو الشكل النهائي